වියපත් වූ මම අතීතාවර්ජනය කරමි. මා ආ දීගු ගමනේ මතක සටහන් තව ද මැකී නොමැත. මගේ සොඳුරිය මා ආ ගමන් මග පියවර තබමින් මා අනුකරණය කරමින් මා පසුපස එනු මම බලා සිටිමි.
සොඳුරිය, ඒ මිහිරි අතීතයේ කඳු මුදුන්, ගස් මුදුන් වල මා ගැයූ ගීතයන්ගේ, මා ඔබට ගැයූ ගීතයන්ගේ දෝංකාරය ඔබට ගලනා ඇල දොළ හඬින් අද ද මතකයට නගා ගත හැකි වේද?
සොඳුරිය, මේ දිගු රළු ගමනේ ඔබ වලිතලාවක් වී මා සැනසූ අයුරු ඔබට මතක ද? මම ඒ ගමන් මග දෙස ඔබේ දැක්මෙන් ආවර්ජනය කරමි. පරිනත මා ඔබට අතීතයේ දැක්මට නොහැකි වූ ඔබේ ඇසින් ඒ දෙස බලා සිටිනුයේ ඔබද මා ද හමු වන දිනක් මතු වට එනු ඇතැයි බලාපොරොත්තුවෙන්. මන්ද, මා ආ ගමනේ පිය සටහන් තවද මැකී නොමැති බැවිනි.
No comments:
Post a Comment
හිතෙන දේ කොටන්න. ඇනොනිමස් උනත් බාර ගන්නවා ඉතින්.සිංගිරිසි උනත් කමක් නෑ හැබැයි බර ඉංග්‍රීසි නම් දිරවන්නේ නෑ ඔන්න