Monday, September 23, 2013

පළමු නිදහස් වෙඩි මුරය (The Honeymoon)

අඩවන් වූ කවුළුව අතරින්එන සිහිල් මුහුදු සුලන් රැල්ල මා ගත කිති කවයි. ඇ දෙස මා නෙත් කොනින් බලමි. මගේ නිරුවත් උර තලය ට ඇ හිස තබා අනන්තය දෙස බලා සිටින්නී මුමුණයි වැකියක් අදරින්.

"අපි අපේම වෙලා.. ජීවිත කාලයක්, ආත්ම ගණනක් පෙරුම් පුරලා අපි අපේම වෙලා...". සිපගති මා ඈ නළලත වෙනදාටත් වැඩි ස්නේහයෙන්, වෙනදාටත් වැඩි නිදහසින්.

"අපි අපේම වෙලා.." මම ද සෙමින් මුමුනමි ඇයට ඇසෙන නොඇසෙන ලෙස හිත හෑල්ලු කරන සිහින් සුසුමක් සමගින්.

ඇගේ සියුමැලි දෑත මගේ නිරුවත් පපු තුර,මල් පෙත්තක් අතගාන්නක් මෙන් ඔබ මොබ සැරි සරයි, ඉතාමත් සෙමින්.

මගේ රළු දෙඅත ඇගේ නිල්වන් කෙස් රොද අතර ගමන් කරවයි නැතිවූ යමක් සොයන්නාක් මෙන්, සෙමින්. ඔරලෝසුවේ බට්ටාගේ පැද්දීම මට දැනේ, වෙනදාටත් වැඩිය මදක් සෙමින්. මදින් මද මම මගේ දෙඅතින් මගේ බැඳුම දැඩි කරමි නොඇගෙන ලෙසට ඇයට.. මදක් වේගවත් වුවක් මෙනි කාලය... ඇගේ මුව කමල, මගේ පපු තුර සිප ගනී, සියුමැලි දෑත මා නිරුවත් උඩු කය මත නැවතී, අල්ලා ගනියි තදින් නැවත නොම හැර යන ලෙස... ඔරලෝසුවේ හඬ නොඇසේ මට...

මද අවුල් වූ කෙස් රොද, අඩවන් වූ නෙතු පිය, පවසයි නිවාලන ලෙස ඒ ගිනිගත් සන්තානය, අයදියි අසරණ, විපිලිසර ලෙස. ලිහී ගිය ඇගේ නා දළු වන තොල් පෙති, මදක් තෙත් වූ, රත් වූ ඒ තොල් පෙති සැරහෙයි පිලිගනුමට මා නොඉවසිල්ලෙන්. පිළිගමි, මා මුවින් මදක් විවර වූ ඈ මුව, තබමින් පළමු වෙඩි මුරය බිද දැමීමට ඒ යදම්. සලිත වූ අප දෙ ගත කියා පාමින් ඇය පිළිගත් බව මගේ ඇරයුම, ගරු කල බව එම වෙඩි මුරයට...

ඇද දමමි මම ඒ දුහුල් සළුව මද වියරු වුවෙකු ලෙස.. මගේ නැග එන හද ගැස්ම, ඇගේ වේගවත් හද ගැස්මේ හඬ පර යා ද? මගේ යටිකය වැසුණු රෙදි කඩ සැගව ගොස් ඇත සයනය මත... දකිමි මම ඇය වෙනදා නොදුටු මසැසින්, වෙනදා නොදුටු මනැසින්.. මද උමතුවෙන් මෙන් ඇය වෙලෙයි ම ගත, ගිනි නිවීමට පැන් පොදක් අයදින අසරනියක මෙන්...

නැවුම් වා රොදකින් ලය පුරවා ගත් මා, ගමන් කරවමි මගේ වත, ගමන් කරවමි මගේ මුව යමක් දැකුමට, යමක් සෙවුමට ඉවෙන් මෙන්.. නිදි ගැට කැඩූ හස යුවල බලා සිටි, මුවට මුව තබා නිවා ලන්නට පිපාසය. තෙත් කරමි මම ඒ හස යුවල, සන් කරවයි ඈ හස යුවල සැනසෙනයුරු, සිහින් සරයෙන්.

පුබුදුවමි මා ඇ සියොළඟ, නතු කරමින් මා ග්‍රහණයට.. ඈ ගත පිපුන හී ගඩු, ඇත්දළ සම විනිවිදුනු රත් පැහැ කැළැල්, මා ගත නැගුනු හී ගඩු කරවයි ම සිත වල්මත්, කරවයි ඈ මන්මත්. ඇරයුම ඇගෙනි පිදුමට ලෝකාස්වාදය, මදක් වියවුල් වූ මනැසින්, නොසැගවූ හැගුමින්.

බලා හිදී නොඉවසිල්ලෙන්, මගේ යවට වන් අවයව, ඇගේ ඉහිල් වූ තෙත් වූ අවයවයන් දෙස. කළඹමි මම ඒ රසෝඝය, සුරයන් කිරි මුහුද කැළඹු අයුරින් සෙවීමට අමුර්තය. පානය කරමි අමුර්තය ඇගේ මුවින් ගිලිහෙන, කළඹන විට රසෝඝය. රැලි නගන මුහුදු හඬ ඇසෙයි පසුබිමින් යන්තමින්, එක්වෙමි රැලි රිද්මය හා සමග, ඝෝෂාවක් නොවෙයි මට එය. රැලි හඬ පරයමින්, නැගෙන ඇගේ එම සිහින් ස්වරය, නැගෙන ඇගේ එම සුසුම් හඬ එක්වෙයි එම රැලි නගන රිද්මය අනුව. දිවියේ ඇති සොඳුරු බව විදිමි මා ද ඇය ද එකවර. එක්වී ඇත අප සිත හා ගත, හඳුනයි ලොවෙහි රිද්මය,හඳුනයි අපගේ රිද්මය .

තුටු වෙමි දිවියේ පළමු වරට දැකුමෙන් හෙලූ එ රුහිරු... මගේ සනුහරය වෙනුවෙන්. ඇගේ ආත්මය වෙනුවෙන්.

"සුදු.........."

"හ්ම්ම්..........."

"රිදුන ද පැටියෝ ....................."

"නැහැ, හරිම අමුතු අත්දැකීමක්, ජීවිතයේ පළමු වතාවට ......"

"මටත්, ජීවිතයේ මුල්ම වතාවට මේ වගේ හිතුනේ, පා වෙනවා වගේ..........."

මා කිවේ ද සත්‍යයි, පෙර මිලදී ගත් අගනන් සමග මෙවන් මානසික සතුටක් ලබා නැත මා කෙදිනක වත්.

ඈ කිවේ ද සත්‍යයි, ඇය වරක් පිදු පතිවත, ඒ පිදූ සිරුරින් කඩවසම් ඔහු, සිරුරින් නොව සිතින් කඩවසම් මා හා සමග සසඳුමේ දී ඇය මෙවන් මානසික සතුටක් ලබා නැත කෙදිනක වත්.


Men do not leave traces. At the same time virginity can be repaired.





10 comments:

  1. AMMOOOO... MEKE SERA... ETH KATHAWANAM PATTA MACHAN.... GOOD LUCK...

    ReplyDelete
    Replies
    1. සැර වැඩියි වගේ නම් බාල කරගෙන කියවන්න. විහිළුවක් කළේ.. ස්තුතියි

      Delete
  2. ෂා, මරුවට ලියලා තියෙනවා. සාහිත්‍ය රසය නියමෙටම තියෙන පෝස්ට් එකක්

    ReplyDelete
    Replies
    1. ස්තුතියි සඳු. ඒත් මට හිතෙන්නේ ලියවිලා තියෙන විධිය අමු අමුවේ වගෙයි.

      Delete
  3. නියමයි.............!!!!!!!!!!!!!!! මරු............!!!!!!!!!!!!!!!!!

    ReplyDelete
    Replies
    1. ස්තුතියි. සිංහලෙන් අකුරු කරවන ඇනොනිමස් ලා දුර්ලභය.

      Delete
  4. "මා කිවේ ද සත්‍යයි, පෙර මිලදී ගත් අගනන් සමග මෙවන් මානසික සතුටක් ලබා නැත මා කෙදිනක වත්." :O

    නියම පෝස්ට් එකක් !!!!!!!!!!

    ReplyDelete
    Replies
    1. ස්තුතියි... මෙම කොටස බලෙන් රිංගවීමක් සේ අයෙකු දකිනු ඇත. විටෙක මට ද එසේ සිතේ :-)

      Delete
  5. //////බලා හිදී නොඉවසිල්ලෙන්, මගේ යවට වන් අවයව, ඇගේ ඉහිල් වූ තෙත් වූ අවයවයන් දෙස. කළඹමි මම ඒ රසෝඝය, සුරයන් කිරි මුහුද කැළඹු අයුරින් සෙවීමට අමුර්තය. පානය කරමි අමුර්තය ඇගේ මුවින් ගිලිහෙන, කළඹන විට රසෝඝය. රැලි නගන මුහුදු හඬ ඇසෙයි පසුබිමින් යන්තමින්, එක්වෙමි රැලි රිද්මය හා සමග, ඝෝෂාවක් නොවෙයි මට එය. රැලි හඬ පරයමින්, නැගෙන ඇගේ එම සිහින් ස්වරය, නැගෙන ඇගේ එම සුසුම් හඬ එක්වෙයි එම රැලි නගන රිද්මය අනුව. දිවියේ ඇති සොඳුරු බව විදිමි මා ද ඇය ද එකවර. එක්වී ඇත අප සිත හා ගත, හඳුනයි ලොවෙහි රිද්මය,හඳුනයි අපගේ රිද්මය .

    තුටු වෙමි දිවියේ පළමු වරට දැකුමෙන් හෙලූ එ රුහිරු... මගේ සනුහරය වෙනුවෙන්. ඇගේ ආත්මය වෙනුවෙන්.//////


    මේ ටික ලියලා තිබෙන අපූරුව.......භාශා සංයමය.......ඒත් රසයේ කිසිම අඩුවක් නැත.

    ReplyDelete
    Replies
    1. ස්තුතියි ඔබගේ අදහස් දැක්වීමට. අයෙකුට මෙය නොසරුප් පෝස්ටයක් සේ පෙනිය හැකිය. එය බලන කෝණයයි.

      Delete

හිතෙන දේ කොටන්න. ඇනොනිමස් උනත් බාර ගන්නවා ඉතින්.සිංගිරිසි උනත් කමක් නෑ හැබැයි බර ඉංග්‍රීසි නම් දිරවන්නේ නෑ ඔන්‍න‍